| سنیں میری ندائیں یا رسول اللہ |
| مری بگڑی بنائیں یا رسول اللہ |
| جگاتے ہیں مقدر آپ سائل کا |
| مری قسمت جگائیں یا رسول اللہ |
| بدل جائے یہ سارا نقشۂ کونین |
| اگر انگلی ہلائیں یا رسول اللہ |
| گلے سوکھیں ہمارے گر بروزِ حشر |
| ہمیں کوثر پلائیں یا رسول اللہ |
| ہو جائے نور سے یہ دل مرا جگ مگ |
| وہ نور اپنا بسائیں یا رسول اللہ |
| اندھیرے دو جہاں کے دور کر دے جو |
| رخ انور وہ دکھائیں یا رسول اللہ |
| درِ شاہاں پہ جھولی ہم کیوں پھیلائیں |
| تمھی دیتے ہو عطائیں یا رسول اللہ |
| بھکاری تیرے سب شاہ و گدا آقا |
| خزانے تم سے پائیں یا رسول اللہ |
| بڑی مدت سے عاجز کی تمناہ ہے |
| مجھے طیبہ بلائیں یا رسول اللہ |
معلومات