| نبی مصطفیٰ کی رسالت ہے اعلیٰ |
| شہے دو سریٰ کی نبوت ہے اعلیٰ |
| رسولوں کے سرور حبیبِ خدا کی |
| صفِ انبیا میں یہ ثروت ہے اعلیٰ |
| ملقب ہیں صادق امیں کے لقب سے |
| امانت میں بہتر دیانت میں اعلی |
| دیا ہم کو دستورِ اعلیٰ نبی نے |
| ملے جس سے مومن کو سیرت ہے اعلی |
| ہے رحمت برستی مدینے میں رب کی |
| چمن میں نبی کے امامت ہے اعلیٰ |
| ہیں مسجد نبی میں یہ گلشن ارم سے |
| مگر روضہ کی دیکھ شوکت ہے اعلیٰ |
| اے محمود بھیجو درود اُن پہ دائم |
| قیامت میں اُن کی شفاعت ہے اعلیٰ |
معلومات