| عجب موقع خدا لایا مدینے ساتھ چلتے ہیں |
| بلاوا یار سے آیا مدینے ساتھ چلتے ہیں |
| نہ پوچھو حور و غلماں کا نہ جنت کی کرو باتیں |
| خیالوں میں حسیں آئیں مدینہ پاک کی راتیں |
| یہ نغمہ دل کو ہے بھایا مدینے ساتھ چلتے ہیں |
| بلاوا یار سے آیا مدینے ساتھ چلتے ہیں |
| جگر یارو ہوا چھلنی فراقِ مصطفیٰ سے ہے |
| جو مانے دل حزیں میرا یہ ہجرِ دلربا سے ہے |
| عطا کی ہے گھنی چھایا مدینے ساتھ چلتے ہیں |
| بلاوا یار سے آیا مدینے ساتھ چلتے ہیں |
| نہ روکیں مجھ کو اے ہمدم قصیدے اُن کے گانے دو |
| گھٹائیں رحمتِ رب کی ذرا عاصی پہ چھانے دو |
| پلٹتی ہیں جو ہر کایا مدینے ساتھ چلتے ہیں |
| بلاوا یار سے آیا مدینے ساتھ چلتے ہیں |
| پیامِ الفتِ جاں ہے سفینے والے راہی کو |
| پتہ تیرا جو ہے ہر دم مدینے والے ماہی کو |
| ملا محمود اب سایہ مدینے ساتھ چلتے ہیں |
| بلاوا یار سے آیا مدینے ساتھ چلتے ہیں |
معلومات