| آنکھوں میں اشک ، تیری جدائی نہ لا سکے |
| باتوں میں تیری جھوٹ ، صفائی نہ لا سکے |
| مدہوش ہو کے ہوش کی باتیں کرے کوئی |
| کر دے نشہ جو دور کھٹائی نہ لا سکے |
| کرتا ہے رہنمائی ملے روح کو جو نور |
| وحشت ہو آنکھ میں تو رسائی نہ لا سکے |
| کرتے ہو اب گلہ مری اولاد ہے خراب |
| نیکی حرام کی تو کمائی نہ لا سکے |
| فرہاد کو بتاؤ کہیں جُوئے شِیر اب |
| تیشے سے کوہ کی بھی کھدائی نہ لا سکے |
| شیریں سخن کی بیوی سے امید ہی نہ رکھ |
| آتے ہوئے جو گھر کو مٹھائی نہ لا سکے |
| بکرے کی ماں نے خیر منائی ہے اس لئے |
| عیدِ بقر کو گھر میں قصائی نہ لا سکے |
| طارق خیال و خواب میں رہنے کی بات ہے |
| بیتی جوانی جا کے نہ آئی نہ لا سکے |
معلومات