| سامنے جب بھی کبھی اپنے جوانی آئی |
| یاد بیتی ہمیں پھر شام سہانی آئی |
| نیند جب بھی نہ کبھی آئی مری آنکھوں میں |
| سینے پر اپنے ابھر چوٹ پرانی آئی |
| زندگی کی ہے بسر رنج و الم میں اپنی |
| بات ہم کو نہ کوئی پھر بھی بنانی آئی |
| اس قدر سادہ طبیعت ہے کوئی اپنی بھی |
| دل کی حالت نہ کبھی ہم کو چھپانی آئی |
| نام آیا ترا بن کے کوئی عنواں اس کا |
| پھر زباں پر وہی اک قصہ ، کہانی آئی |
| آج بھی تازہ سرابوں پہ ہے ماضی اپنا |
| دشت کو خاک نہ اپنی ہی اڑانی آئی |
| روز کہتی ہے گلابوں کی سجی اک محفل |
| تجھ کو شاہد نہ محبت بھی نبھانی آئی |
معلومات