| چل رہے ہیں جس ڈگر پر اس کی منزل ہی نہیں |
| ایسی ضد کا فائدہ کیا جس کا حاصل ہی نہیں |
| کیا کوئی ایسے سمندر سے بھی رکھّے گا امید |
| جس سمندر کا جہاں میں کوئی ساحل ہی نہیں |
| چھوڑ کر کشتی بھنور میں ناخدا کہنے لگا |
| ڈوبتی ہے ڈوب جائے میَں تو شامل ہی نہیں |
| مَیں قنوطی تو نہیں لیکن نہیں خوش فہم بھی |
| اُمّتِ مسلم میں لگتا ہے کہ ہلچل ہی نہیں |
| چھوڑ دو عشوہ طرازی غمزہ و ناز و ادا |
| شوخیاں تو اُٹھ گئیں پر دل بھی مائل ہی نہیں |
| کتنی ایجادات میں مصروف ہیں اقوامِ غیر |
| سچ کہوں تو ہم میں کوئی اتنا قابل ہی نہیں |
| کیا ملے گا مرثیہ گوئی سے اب خواجہ امید |
| بھول جاؤ اس سفر کو جس کی منزل ہی نہیں |
| بی۳ |
معلومات