| مرے ہی عشق کا تارا چراغِ رہگزر ٹھہرا |
| سفر شہرِ مدینہ کا مرا طلبء امر ٹھہرا |
| مری حسرت ہے دیرینہ تبھی اصرار رہتا ہے |
| سدا رہنا محمد کے نگر میں ہی اگر ٹھہرا |
| جو خالق نے نوازی ہے مجھے انکی ثنا خوانی |
| وہ میرے مجتبیٰ ٹھہرے میں ان کا نعت گر ٹھہرا |
| گئے وہ عرش پر آقا زباں پر تھا مری امت |
| مرا رہبر ہی تسلیم و رضا میں معتبر ٹھہرا |
| لکھاری ختم ہو جائیں سمندر بھی سیاہی کے |
| لکھے سیرت مکمل جو کہاں کوئی بشر ٹھہرا |
| کجا میری فنا ہستی کجا وہ شان اقدس ہے |
| مگر اک نسبتِ سرور سے میں بھی خاکِ در ٹھہرا |
| رچا جو عشقِ جامی ہے مرے تخلیقی باطن میں |
| مدینے کا مرا دل بر جہاں کا تاجور ٹھہرا |
| اگر سو سال بھی جی لیں بھرے دنیا کے میلوں میں |
| مگر اک لمحہ بہتر ہے جو تیرے آ کے در ٹھہرا |
| مری آنکھوں میں اک آبِ رواں کی سی روانی ہے |
| تری ارشدؔ محبت کا یہ ہدیہ کار گر ٹھہرا |
معلومات