| سخن مذہب عروض ایماں ہمارا |
| صدائے سوزِ دل عرفاں ہمارا |
| ۔ |
| ہمارا عشق بھی جیسے زلیخا |
| جمالِ یوسفِ کنعاں ہمارا |
| ۔ |
| ہزاروں زخم اور لب پر نہ اک آہ |
| عدو اس ضبط پر حیراں ہمارا |
| ۔ |
| یہاں بلبل کبھی آئی نہ قمری |
| چمن ہے کس قدر ویراں ہمارا |
| ۔ |
| اندھیری قبر میں بھی اک تصور |
| نہ ہونے دے گا دل سوزاں ہمارا |
| ۔ |
| کیا خالی وہ ناشکری نے ورنہ |
| بھرا رہتا تھا دستر خواں ہمارا |
| ۔ |
| نہیں حرفِ داد اک تیرے لب پر |
| جہاں ہے ورنہ مدحت خواں ہمارا |
| ۔ |
| فرشتوں سے ہیں ہم افضل مدثر ! |
| فلک سے ہے پرے وجداں ہمارا |
معلومات