| آنکھ میں جو پانی ہے |
| تیری دی نشانی ہے |
| دوست ساتھ دیتے تھے |
| بات یہ پرانی ہے |
| کیا کرو گے سُن کر تم |
| دکھ بھری کہانی ہے |
| سرد آہیں بھرتا ہوں |
| اُسکی مہربانی ہے |
| ہنس کے بات کو ٹالے |
| کتنی وہ سیانی ہے |
| آؤ شیخ پیتے ہیں |
| مدرا زعفرانی ہے |
| واہ شفتِ نازک کا |
| رنگ ارغوانی ہے |
| دن کا ہوں جو راجا میں |
| رات کی وہ رانی ہے |
| لب ترے ہیں دو مصرعے |
| تُو غزل سہانی ہے |
| یہ جو خُوش بیانی ہے |
| تحفہ ءِ ربّانی ہے |
| حرفِ یک اضافی سے |
| بحر ٹوٹ جانی ہے |
| وقت مختصر لیکن |
| داستاں سُنانی ہے |
| جگ نہ خُلد سمجھو تم |
| جگ سرائے فانی ہے |
| پیشوا ہمارا تو |
| سب جہاں کا بانی ہے |
| سانس سانس پر میری |
| رب کی حکمرانی ہے |
| مرگ کے حصاروں میں |
| لائی زندگانی ہے |
| اب ہو آئے تم شائم |
| ڈھل چکی جوانی ہے |
| شائم |
معلومات