| میں کس طرح لکھوں شانِ راحتِ شہِ دیںؐ |
| اونچا مقام ہے زوجِ حضرتِ شہِ دیںؐ |
| کل مومنوں کی وہ ماں سادات کی وہ جَدَّہ |
| یہ مرتبہ ہوا ہے با نسبتِ شہِ دیںؐ |
| عز و شرف یہ اُمِ زہراؑ کا اللہ اللہ |
| اسلام کی وہ محسن وہ عصمتِ شہِ دیںؐ |
| جود و سخا کا پیکر فضلِ خدا کا محور |
| ہم رازِ سیدِ عالم راحتِ شہِ دیںؐ |
| توقیر و شان تیری بے مثل ہے خدیجہؑ |
| حاصل ہوئی ہے تجھ کو زوجیتِ شہِ دیںؐ |
| ہو بات صرفِ دولت کی یا سکونِ دل کی |
| ہر طور سے ہی تُو نے کی خدمتِ شہِ دیںؐ |
| محنت بہت فروغِ دیں کے لیے کی تم نے |
| احسان مند ہے تیری امتِ شہِ دیںؐ |
| اعزاز کون سا ہے دنیا میں اِس سے بڑھ کر |
| تجھ کو ملا جو اعزازِ خدمتِ شہِ دیںؐ |
| با احترام لو نامِ اقدس اُن کا شاہدؔ |
| وہ سیدہ خدیجہؑ ہیں عزتِ شہِ دیںؐ |
معلومات