| کب تلک صبر کا امتحاں محترم |
| درد و غم کی بنے کہکشاں محترم |
| بدنما ہو گیا کیوں جہاں محترم |
| سوچئے گا ذرا علم خواں محترم |
| جستجو ہے چمن میں بہاروں کی گر |
| جہد پیہم سے ہو ضوفشاں محترم |
| راس آتی نہیں ہے روش جور کی |
| اپنی پہچاں رہے مہرباں محترم |
| راہ میں لاکھ طوفاں ہو حائل مگر |
| سوئے منزل بڑھے کارواں محترم |
| مسکراؤ غموں کو چھپا کے سدا |
| رنج میں بھی رہو شادماں محترم |
| عزم راسخ دلوں میں ہو ناصؔر فقط |
| ہٹتی پھر ساری دشواریاں محترم |
معلومات