| راز شہؑ کے ماتم کا ہم نہیں بتائیں گے |
| نعمتِ عزا ہے کیا ہم نہیں بتائیں گے |
| مجلس و عزاداری، یہ بھی ایک وعدہ ہے |
| کس کا کس سے ہے وعدہ ہم نہیں بتائیں گے |
| مجلس بپا کرکے شاہؑ پر بکا کرکے |
| کیا سکون ہے ملتا ہم نہیں بتائیں گے |
| گفتگو ہوئی کس سے، اور نبیؐ نے کیا دیکھا |
| کون تھا پسِ پردہ ہم نہیں بتائیں گے |
| گر علیؑ نہیں ہوتے ہم تو مر گئے ہوتے |
| کون کہتا رہتا تھا ہم نہیں بتائیں گے |
| پوچھ لو مؤرخ سے، کیا ہوا تھا خیبر میں |
| کون کون تھا بھاگا ہم نہیں بتائیں گے |
| کون سورۂ بقرہ عمر بھر نہ رٹ پایا |
| کون غار میں رویا ہم نہیں بتائیں گے |
| چودہ صدیوں سے تم کو کیا نہیں جو بتلایا |
| اب تو بس یہی ہوگا ہم نہیں بتائیں گے |
| لفظ کیسے ملتے ہیں شعر کیسے ہوتے ہیں |
| کون ہے عطا کرتا ہم نہیں بتائیں گے |
معلومات