| زندگی جینے کا یہ طور نیا رکھا ہے |
| درد کا نام بھی اب ہم نے دوا رکھا ہے |
| حسرتیں رہنے کا امکاں ہی نہیں ہے دل میں |
| آرزوؤں کا نشاں ہم نے مٹا رکھا ہے |
| سوز و غم ہیں یا کہ ارماں ہیں کوئی، کیا معلوم |
| دل کے حالات کو سینے نے چھپا رکھا ہے |
| ڈوبنے والے نے تنکے کا سہارا نہ لیا |
| پر تِرے نام کو سینے سے لگا رکھا ہے |
| گر جو فطرت میں وفا رکھی ہے، تو لازم ہے |
| اس جہاں میں ہی کہیں مولِ وفا رکھا ہے |
| میں نے جس دل کو تِرے قدموں تلے رکھا تھا |
| تُو نے اس دل کو دُکھانا ہی روا رکھا ہے |
| ہم نے یہ سوچ کے دنیا کو نبھایا ثاقبؔ |
| حشر میں اس کا جو انعام بڑا رکھا ہے |
معلومات