| گُزر گیا اک زمانہ جیسے |
| بنا کے دل کو نشانہ جیسے |
| گزر گئے جانے کتنے موسم |
| خیال و خاطر کے رزم پیہم |
| تری محبت فسانہ جیسے |
| شجر کی شاخوں پہ اک پرندہ |
| بہت دنوں سرِ شام آ کر |
| کہیں وہ اپنا بھی دل لگا کر |
| سُناتا رہتا ہے اپنے زندہ |
| دلِ حزیں کا ترانہ جیسے |
| بِتا ہے ایسے گُلوں کا موسم |
| حیات کچھ یوں بسر ہوئی ہے |
| مسافتوں ہی میں کٹ گئی ہے |
| بکھر گئے راستوں میں ہم تم |
| لُٹا ہو دل کا خزانہ جیسے |
| شبوں میں اُٹھ اُٹھ کے آہیں بھرنا |
| فریب سب تھا وہ آرزو کا |
| زمانہ وہ تیری جستجو کا |
| یہاں تھا مقدور دل کا جلنا |
| تھی زندگی اک بہانہ جیسے |
معلومات