| ڈنکا دہر میں جس کا بالائے بام ہے |
| وہ نام ہے محمد جس پر سلام ہے |
| آقا نبی ہیں میرے سب سے کریم تر |
| ملتا سبوئے وحدت جن سے تمام ہے |
| لاکھوں درود اُن پر ربِ رحیم کے |
| خلقِ خدا سے جن پر آتا سلام ہے |
| جو ورد ہے سہانا اک گیت بھی حسیں |
| عرشِ خدا پہ دائم جس کا مقام ہے |
| ہیں عالمیں میں رحمتؐ خُلقِ عظیم یہ |
| تیری وحی اے قادر اُن کا کلام ہے |
| حیواں شجر یہ پنچھی ہوں حجر یا پہاڑ |
| مہر و قمر وہ تارا اُن کا غلام ہے |
| کرتا رہوں میں مولا سرکار کی ثنا |
| ہستی میں ہیں جو اعلیٰ اور شیریں نام ہے |
| محمود جانے مولا رتبے حبیب کے |
| جن کا کرم اے ہمدم ہستی پہ عام ہے |
معلومات