| ہیں کس کی کوششیں جہاں میں امن کا قیام ہو |
| زمیں میں ہر طرف بلند پھر خدا کا نام ہو |
| خدا کا اک چنیدہ رہنما ہے جو کرے دعا |
| کہ ملک ملک شہر شہر امن کا مقام ہو |
| خلیفتہ المسیح نے کئے ہیں سب سے رابطے |
| کہ بیٹھیں مل کے رہنما کہ جن کا اک امام ہو |
| محبّتوں کو دو فروغ اور مٹاؤ دشمنی |
| ہے ایک راستہ یہی کہ امن کو دوام ہو |
| خدا کی رہنمائی پر عمل کرو تو دیکھ لو |
| جو تم سے دشمنی کرے اسے کہو سلام ہو |
| فساد برّ و بحر میں ہو کشت و خون کا سماں |
| بگڑ گئی کمان جب ہو قوم بے لگام ہو |
| نزول پھر مسیح کا ہوا کہ ظلم بڑھ گئے |
| نہ چاہتا تھا کوئی بھی کہیں پہ نیک کام ہو |
| تو آکے اس نے دی صدا تمہارا ایک ہے خدا |
| جھکو اسی کے در پہ تم ہو خاص یا کہ عام ہو |
| سلامتی کا دو پیام دشمنی کو چھوڑ دو |
| یہ وقت وہ نہیں کہ جس میں سیف بے نیام ہو |
| بلند شان مال و زر محل ہیں تھوڑی دیر کو |
| زمین چار گز کی چار دن میں ہی مقام ہو |
| یہ عارضی حکومتیں جو آج ہیں وہ کل نہیں |
| یہ فکر ہر کسی کو ہو کہ کیسا اختتام ہو |
| ہیں سب جہاں کے احمدی دعاؤں میں لگے ہوئے |
| مریض جاں بہ لب ہے اب شفا کا انتظام ہو |
| ہے طارق اس کی بارگاہ میں کہے جھکا کے سر |
| کہ رحم اب خدا کرے دعا کا التزام ہو |
معلومات