| اگر سچ کا کریں اقرار دنیا آڑے آتی ہے |
| حقیقت سے کریں انکار دنیا آڑے آتی ہے |
| سمجھ کر ہم تمہاری ساری باتیں مان لیں گر تو |
| یہ ہو گی زندگی دشوار دنیا آڑے آتی ہے |
| ہمیں تو جیسے تیسے دوستی اپنی نبھانی ہے |
| بدل تو جائیں ہم سرکار دنیا آڑے آتی ہے |
| ہمارے سامنے دن رات جو بھی کام ہوتے ہیں |
| ہمیں گر ہو بھی اس سے عار دنیا آڑے آتی ہے |
| سکوں ملتا نہیں ہم کو خدا سے دور رہنے میں |
| کبھی آئیں جو اس دربار دنیا آڑے آتی ہے |
| سنا ہے لوگ دیں کو مان کر جنّت میں جائیں گے |
| عمل اس پر ہے مشکل یار ، دنیا آڑے آتی ہے |
| یہی ہے وقت مہدی اور مسیحا کی ضرورت ہے |
| ہوا ہے آسماں تیّار دنیا آڑے آتی ہے |
| اگرچہ ہم کو مرنا ہے خدا کو جان دینی ہے |
| مگر ہم کیا کریں ہر بار دنیا آڑے آتی ہے |
| چلو طارق تمہارا کام تھا ان کو بتا دینا |
| کہ دیں کا ہو جو کاروبار دنیا آڑے آتی ہے |
معلومات