| اگر محبت ہے جنگ کیوں ہے |
| اب اس کے ہاتھوں میں سنگ کیوں ہے |
| اگر تو کٹنا ہی ہے مقدر |
| پتنگ آخر پتنگ کیوں ہے |
| کوئی بھی رشتہ نبھا نہ پائے |
| لہو کا پھر سرخ رنگ کیوں ہے |
| پڑاؤ یاں مختصر بہت تھا |
| جرس کو سن کے تو دنگ کیوں ہے |
| اگر خوشی بس بہار میں ہے |
| خزاں میں پھر ایسا رنگ کیوں ہے |
| ہمیں رہائی ملی ہے کب سے |
| ہماری سوچوں میں زنگ کیوں ہے |
| اگر تو سب کا ہی اک خدا ہے |
| زمانہ ہم پہ یاں تنگ کیوں ہے |
| اگر نہیں اس کے بعد کچھ بھی |
| تو موت میں یہ ترنگ کیوں ہے |
| یہ سونے چاندی کا شہر شاہدؔ |
| تو پھر بھی اس میں ملنگ کیوں ہے |
معلومات