| گلیاں ہیں مدینے کی مرا دل ہے مسافر |
| اب یاں سے کہاں جاؤں یہ مشکل ہےمسافر |
| لو لاک لما درسِ تقدس میں پڑھا ہے |
| اس راز سے پر آج بھی غافل ہے مسافر |
| ممکن ہی نہیں ہے کہ بھٹک جائے کسی سمت |
| در شہرِ مدثر و مزمل ہے مسافر |
| ہر سو ہے کھلا ذکرِ ورفعنا کا موسم |
| خوشبو کو یہیں خُلد جو حاصل ہے مسافر |
| تجھ پر نہ کوئی رختِ سفر اور ہے واجب |
| بس ایک سفر ایک ہی منزل ہے مسافر |
| بن جائے سرِ حشر کوئی نعت وسیلہ |
| اس مدح سرائی میں جو شامل ہے مسافر |
| یہ گنبدِ خضرا ہے نگاہوں کا جو محور |
| یہ گلشنِ ازکار عنادل ہے مسافر |
معلومات