| جو بدلا یہ لہجہ تمہارا ہوا ہے |
| خسارہ تو اس میں ہمارا ہوا ہے |
| ۔۔۔۔۔۔۔۔۔۔۔۔۔۔۔۔۔۔۔ |
| ابھی تو چمکنے لگی ہے یہ دنیا |
| ابھی اپنا روشن ستارہ ہوا ہے |
| ۔۔۔۔۔۔۔۔۔۔۔۔۔۔۔۔۔۔۔ |
| اُسے دیکھ کر دیکھتا ہی رہا میں |
| لگا آسماں سے اُتارا ہوا ہے |
| ۔۔۔۔۔۔۔۔۔۔۔۔۔۔۔۔۔۔۔ |
| ترے بن گزاری تو ہے زندگانی |
| ترے بن کہاں پر گذارا ہوا ہے |
| ۔۔۔۔۔۔۔۔۔۔۔۔۔۔۔۔۔۔۔ |
| ابھی جا کے نمبر لگا ہے ہمارا |
| ابھی جا کے کوئی اشارہ ہوا ہے |
| ۔۔۔۔۔۔۔۔۔۔۔۔۔۔۔۔۔۔ |
| بنایا ہوا ہے حسیں ایک منظر |
| کہ خوابوں کو ہم نے نکھارا ہوا ہے |
| ۔۔۔۔۔۔۔۔۔۔۔۔۔۔۔۔۔۔ |
| یہاں تھوڑی خوشیاں بھی شامل ہیں غم میں |
| یہاں جیت کر کوئی ہارا ہوا ہے |
| ۔۔۔۔۔۔۔۔۔۔۔۔۔۔۔۔۔۔۔ |
| اُسے دکھ نہ دینا کوئی اور لوگو |
| غموں کا وہ پہلے ہی مارا ہوا ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ہمی آبیاری تو کرتے رہے ہیں |
| یہ گلشن تو ہم نے سنوارا ہوا ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| جسے دیکھ کر چلتی ہیں مانؔی سانسیں |
| مرے غم کا وہی تو چارہ ہوا ہے |
معلومات