| خاموش تھے جو نیک مرے کام دیکھ کر |
| گویا ہوئے ہیں گونگے بھی دُشنام دیکھ کر |
| بہرے بھی ناچنے لگے سُن کر نہ جانے کیا |
| گنجوں نے سر منڈا لئے حجّام دیکھ کر |
| پامال آدمی ہوا ہے آدمی کے ہاتھ |
| حیرت ہے خوش بھی ہو غم و آلام دیکھ کر |
| سمجھے تھے جیسے اُن کو خدائی ہے مل گئی |
| اب چپ ہیں سارے گردشِ ایّام دیکھ کر |
| کس نے کیا رواں انہیں گردش میں چار سُو |
| آتی نہیں سمجھ کسے اجرام دیکھ کر |
| جس کو حقیر جان کے دھتکارتا تھا وہ |
| حیران اب اسی کا ہے اکرام دیکھ کر |
| یوں تو نہیں تھا شوق اسے شاعری کا پر |
| ٹپکی کسی کی رال ہے انعام دیکھ کر |
| عرصہ ہوا کہ اس سے ملاقات تھی ہوئی |
| حیراں ہوا ہے آج وہ پیغام دیکھ کر |
| شاعر نے کیا کہا انہیں اس سے غرض نہ تھی |
| سُنتے رہے وہ پیٹھ کے بادام دیکھ کر |
| ان کی امید پر تو لگے اوس پڑ گئی |
| سمجھے تھے ہوں گے خوش اسے ناکام دیکھ کر |
| کہتے ہیں انتخاب سے گزرے ہیں اب تو وہ |
| شرمندہ کون ہو بھلا یہ کام دیکھ کر |
| طارق فریبِ عشق سے کتنے ہوئے خراب |
| پیچھے ہٹے نہیں مگر انجام دیکھ کر |
معلومات