| کرم ہم پر نہیں ہو جو تمہارا فاطمہ زہراؑ |
| تو پھر یہ زندگی ہے بس خسارا فاطمہ زہراؑ |
| اندھیرے ہی اندھیرے ہوتے پھر اپنے مقدر میں |
| تو کہتا ہر کوئی قسمت کا مارا فاطمہ زہراؑ |
| تمہارے قاتلوں کے گھر بھی آنا جانا ہو جس کا |
| وہ کیسے ہوگا پھر مخلص تمہارا فاطمہ زہراؑ |
| تبرا کر کے تیرے قاتلوں پر رزق کھاتے ہیں |
| اسی پر ہی ہمارا ہے گزارا فاطمہ زہراؑ |
| سبھی طالب کفِ افسوس مل کر رہ گئے اس دم |
| علیؑ کے گھر تھا اترا جب ستارہ فاطمہ زہراؑ |
| تجھے تو شافعئِ روزِ جزا کہتا ہے خود خالق |
| ہے تو بے آسروں کا ہی سہارا فاطمہ زہراؑ |
| حَقیقت کیا ہے تیری کون سمجھا آج تک بی بیؑ |
| تجھے ماں کہتا ہے باباؐ تمہارا فاطمہ زہراؑ |
| مشیعت کا ارادہ کیاہے؟ ہم یہ جان لیتے ہیں |
| تری تسبیح پہ کر کے استخارہ فاطمہ زہراؐ |
| کبھی عُظمؔیٰ کے گھر میں رزق کی تنگی نہیں ہوتی |
| کہ دیتا ہے خُدا صدقہ تمہارا فاطمہ زہراؑ |
| عُظمؔیٰ زہرا |
معلومات