| الفت میں محبت میں مروت نہیں کرتے |
| کیا خاک سخی ہیں وہ سخاوت نہیں کرتے |
| الفت میں ستم سہہ کے دکھا ہی دیا ہم نے |
| ہم لوگ امانت میں خیانت نہیں کرتے |
| احباب میں غم خواری کے آداب نہیں ہیں |
| بیمار کی آکر وہ عیادت نہیں کرتے |
| کہتا ہوں بلا خوف میں ظالم کو ستمگر |
| جو لوگ ہیں بزدل وہ یہ جرأت نہیں کرتے |
| اڑ کر یہ فضا میں فنا ہو جاتے ہیں کافر |
| کیوں لوگ یہ مٹی سے محبت نہیں کرتے |
| کیا ہوتی ہے عشرت ہمیں اس کی نہ خبر ہے |
| ہم غم کی زمیں سے کبھی ہجرت نہیں کرتے |
| اپنوں کی عنایات نے دل توڑا ہے احسنؔ |
| اس واسطے اپنوں سے محبت نہیں کرتے |
معلومات