| فرشتے کرنے انہیں خود سلام آتے ہیں |
| جو باندھ کر لئے ساماں تمام آتے ہیں |
| کیا گیا جنہیں مامور رہنمائی پر |
| جہاں میں کر کے خدا سے کلام آتے ہیں |
| انہیں فساد کے ملزم قرار دیتے ہو |
| وہ جن کو امن کے رب سے پیام آتے ہیں |
| سناتے کیا بھلا اور کس کی داستانِ حیات |
| بہت سے پردہ نشینوں کے نام آتے ہیں |
| جنوں میں گزری جوانی ، ہے کیوں پشیمانی |
| ادھیڑ عمر میں کس کے پیام آتے ہیں ؟ |
| سلیقہ جن کو رہا ہے ہمیشہ ، پینے کا |
| اسی طرف لئے ساقی بھی جام آتے ہیں |
| جو اُن کا ذکر چلے روز و شب محبّت سے |
| تو ایسے گھر میں ملائک ، مدام آتے ہیں |
| جہاں بھی جائیں ، گزارے ہیں جو محبّت میں |
| وہ دن تو یاد ہمیں صبح و شام آتے ہیں |
| چلے ہیں ، دور ہے منزل ، کٹھن سفر درپیش |
| کہ راہِ وصل میں مشکل مقام ، آتے ہیں |
| ملے جو قافلے میں خوش نصیب ہیں طارق |
| جہاں میں کر کے ذرا سا قیام ، آتے ہیں |
معلومات