| خیبر کو جیتنا ہے ضرورت علیؓ کی ہے |
| راہب کو پیٹنا ہے ضرورت علیؓ کی ہے |
| کیوں علم کی تلاش میں پھرتا یہاں وہاں |
| گر علم سیکھنا ہے ضرورت علیؓ کی ہے |
| ہجرت کے وقت ڈھونڈ رہے تھے نبیﷺ انہیں |
| بستر پہ لیٹنا ہے ضرورت علیؓ کی ہے |
| حیدرؓکے ایک وار سے کانپی تھی جب زمیں |
| منظر وہ دیکھنا ہے ضرورت علیؓ کی ہے |
| کعبے پہ اہلِ کفر ہیں قبضہ کئے ہوے |
| ہر بُت کو پھینکنا ہے ضرورت علیؓ کی ہے |
| حیدرؑ کا ظرف ہے جو کسی اور کا نہیں |
| قاتل کو بخشنا ہے ضرورت علیؓ کی ہے |
| حق بات کہنے کے لئے جِگرا حسینؑ کا |
| گر شیر دیکھنا ہے ضرورت علی ؓ کی ہے |
| سجدے میں جاتے ہی ملے رب کا کرم میاؔں |
| ماتھا یوں ٹیکنا ہے ضرورت علیؓ کی ہے |
| میاؔں حمزہ |
معلومات