| قاسمِ رزقِ خدا ہے دستِ قدرت آپ کا |
| دافعِ جملہ بلا ہے دستِ قدرت آپ کا |
| چاند، سورج حاضری دیں اور شجر و حجر بھی |
| ہر کماں سے ماوراء ہے دستِ قدرت آپ کا |
| دین و دنیا کے ہر اک غم سے بچا لیتا ہے جو |
| ہر کرم کی انتہا ہے دستِ قدرت آپ کا |
| جب اٹھا جس کے لیے تقدیر نے وہ لکھ دیا |
| معجزوں کا سلسلہ ہے دستِ قدرت آپ کا |
| حشر کے میدان میں ہوگی ندا بس ایک ہی |
| کل جہاں کا آسرا ہے دستِ قدرت آپ کا |
| اے مرے فریاد رس! تیرا گدا ہے یہ عتیق |
| چومنے کی التجا ہے دستِ قدرت آپ کا |
معلومات