| عالم پہ نور چھا گیا بعثت سے آپؐ کی |
| خالق سے رشتہ جڑ گیا رحمت سے آپؐ کی |
| توحید کی پکار نے یکسر بدل دیا |
| گمراہی ختم ہوئی عنایت سے آپؐ کی |
| قرآں کا گر ہے سامنے اسوہ ہمارے پھر |
| "منزل ملی ہے ہم کو تو سیرت سے آپؐ کی" |
| صادق، امین اعلیٰ لقب آپؐ کو ملا |
| مرعوب تھے عدو بھی صداقت سے آپؐ کی |
| محشر میں بخشوائیں گے امت کو اپنی وہؐ |
| ہو جائے بیڑہ پار شفاعت سے آپؐ کی |
| جنبش لبوں پہ جاری ہے مولا یہ رات دن |
| راحت نصیب کر دے زیارت سے آپؐ کی |
| زورِ قلم بھی صدقہ میں ناصؔر کو ہو عطا |
| نعتیں لکھے یہ روز عقیدت سے آپؐ کی |
معلومات