| اک چاند آنکھ کا کوئی تارا نہیں ہوا |
| پھر عشق بھی ہمیں تو دوبارہ نہیں ہوا |
| سچ ہے عذاب زندگی تھی یہ بنا ترے |
| سچ ہے ترے بغیر گزارا نہیں ہوا |
| تنہائی سے ہی دوستی اپنی رہی سدا |
| اس کو بھی ساتھ اور گوارا نہیں ہوا |
| دولت رہی ہماری وہ کچھ خواب آپکے |
| آنکھوں کا پر یوں پورا خسارا نہیں ہوا |
| سوچا بہت بچا لیں کبھی خود کو درد سے |
| یہ سوچ کے بھی غم سے کنارا نہیں ہوا |
| ساقی کی بھی نظر کوئی شاہد نہیں رہی |
| رندوں میں بھی شمار ہمارا نہیں ہوا |
معلومات