| چراغِ مصطفائی سے فروزاں ہیں جہاں سارے |
| کراں سارے دہر کے بھی حسیں چندہ مہر تارے |
| جمالِ حسنِ یزداں ہیں نبی نورِ مبیں سرور |
| عُلیٰ دونوں جہاں میں ہیں نبی کے نور کے نعرے |
| حبیبِ کبریا ہیں یہ محمدﷺ مصطفیٰ ہیں یہ |
| شہنشاہِ نبوت ہیں حبیبِ کبریا پیارے |
| درود اُن پر خدا بھیجے درود اُن پر سدا بھیجے |
| سلام آقا کو کرتے ہیں جو جانیں اس خدا بارے |
| نبی صادق امیں سرور نبی محبوب ہیں دلبر |
| قمر جن کے اشارے سے ہوا جاتا ہے دو پارے |
| کہا خُلقِ عظیم اُن کو خدائی میں خدا نے خود |
| یہ قلزم رحمتوں کے ہیں عطا کے جن سے ہیں دھارے |
| سدا ہیں رفعتوں میں یہ غلامِ مصطفیٰ ہیں جو |
| فدا جو دلربا پر ہیں کبھی بازی نہیں ہارے |
| تصرف میں نبی کے ہیں خزانے کبریائی کے |
| رواں محمود اُن سے ہیں نظامِ دو جہاں پیارے |
معلومات