| رونق دیارِ جاناں مجھ کو دکھا اے مولا |
| در مصطفیٰ کی خاطر ہے یہ ندا اے مولا |
| دیکھوں میں سبز گنبد لب پر درود ہوں تب |
| عکسِ جمال بھی دے دل کو جلا اے مولا |
| پھر آؤں دست بستہ روضہ کے سامنے بھی |
| ہے عاجزی سے میرے دل کی دعا اے مولا |
| وہ جالیاں سنہری نظروں کے سامنے ہوں |
| قادر ہے تو کریمی سن لے صدا اے مولا |
| کچھ حالِ دل ہے کہنا تیرے حبیب سے بھی |
| پھر آنسو سے ہو میری ہر التجا اے مولا |
| مانگوں بھلا میں تجھ سے اس امتِ نبی کا |
| کیسے میں مانگوں ان سے تو ہی سکھا اے مولا |
| صد ہا درود ان پر آلِ نبی پہ ہر دم |
| محمود بھی ہے جن کا ادنیٰ گدا اے مولا |
معلومات