.jpg)
| قُرآن کلامی ہے تِری شان پہ شاہاؐ |
| آذان گواہی ہے تِری آن پہ شاہاؐ |
| منظور اگر نَذرِ دِل و جان ہو میری |
| احسان یہ ہوگا تِرے قُربان پہ شاہاؐ |
| رکھتا ہے مُجھے مَست تِرا ذکرِ مُسلسل |
| مَستی رہے دائم تِرے مَستان پہ شاہاؐ |
| پاتے ہیں تِرے دَر سے سَبھی حُسنِ تخیل |
| حیران ہیں قُدسی تِرے فیضان پہ شاہا |
| اَدْرِکْنِیْ رَسُوْلَ اللّٰہؐ زِ احوالِ خَرابم |
| امداد یہ مطلوب ہے میزان پہ شاہاؐ |
| رکھی جو دُعا تُو نے شفاعت کی غرض کو |
| مقبول وُہی ہے درِ رَحمان پہ شاہاؐ |
| چُن چُن کے غُلاموں کو نکالا ہے سَقَر سے |
| قُربان میں جاؤں تِری پہچان پہ شاہاؐ |
معلومات