| جہاں پر ایک ہوتا ہے وہاں دوجا نہیں ہوتا |
| جو آ جائے وہاں دوجا تو پہلا روٹھ جاتا ہے |
| زباں سے لاکھ کہہ دو تم محبت ہی عبادت ہے |
| عمل نا ہو اگر اس میں خدا بھی چھوٹ جاتا ہے |
| محبت ایسا بندھن ہے جو ہے ایثار سے قائم |
| جہاں پر ڈور ہو نازک وہ رشتہ ٹوٹ جاتا ہے |
| محبت میں کوئی وعدہ جو گر نا پورا ہو پائے |
| وہ بن کے داغ الفت کا بدن میں پھوٹ جاتا ہے |
| جہاں پر میل آ جائے دلوں میں بغض آ جائے |
| وہاں پر سانچ کو چھپ کر بنایا جھوٹ جاتا ہے |
| نمازیں جن کے ناموں کی ادا کرتے ہیں ہم اکثر |
| انہی کا خواب الفت میں دلوں کو لوٹ جاتا ہے |
معلومات