| مقصد بھی نہیں چھوڑا، منشا بھی نہیں بدلا |
| اوروں کی بھلائی کا جزبہ بھی نہیں بدلا |
| طوفان و حوادث میں بھی سینہ سپر تھے وہ |
| "کشتی بھی نہیں بدلی، دریا بھی نہیں بدلا" |
| باتیں ہیں تکبر والی، چالیں اکڑ والی |
| حالات کے مارے ہیں، لہجہ بھی نہیں بدلا |
| لیتے نہیں عبرت ہم خمیازہ کشی سے کیوں؟ |
| دھوکے بھی اُٹھائیں پر، جینا بھی نہیں بدلا |
| اظہار کریں ہم ناصؔر فہم و فراست کا |
| شطرنج کی چالوں کا مہرا بھی نہیں بدلا |
معلومات