| غزل |
| مدوا تری آنکھوں سے چھلکتی ہے ابھی بھی |
| پُروا تری زلفوں سے الجھتی ہے ابھی بھی |
| شوخی ہے شرارت ہے وہ مستانہ نظر میں |
| بجلی کی طرح دل پہ لپکتی ہے ابھی بھی |
| بیٹھی ہو تو گل دستے کی مانند سمٹ کر |
| چلتی ہو تو ڈالی سی لچکتی ہے ابھی بھی |
| کھلتے ہوئے رخسار پہ بوسوں کی بدولت |
| خوشبو تِری سانسوں میں مہکتی ہے ابھی بھی |
| ہر سمت بکھر جاتی ہے خوشبوۓ مسرت |
| کونپل جو حسیں لب کی چٹکتی ہے ابھی بھی |
| شرما کے ترے رُوپ سے چھپ جاتا ہے چندا |
| چہرے سے تُو جب زلف جھٹکتی ہے ابھی بھی |
| آواز میں اک سوز ہے لہجے میں حلاوت |
| بلبل سی تو آنگن میں چہکتی ہے ابھی بھی |
| بیباک ہے ہر جور و جفا میں تُو ستم گر |
| اظہار محبت سے جھجکتی ہے ابھی بھی |
| لکھتا ہوں شہاب آج اُسی شوق سے غزلیں |
| جس ذوق سے ہر روز وہ سجتی ہے ابھی بھی |
| شہاب احمد |
| ۳ مارچ ۲۰۲۱ |
معلومات