| الہی مٹا دے تو میری خطائیں |
| خدایا تو کر دور مجھ سے بلائیں |
| گناہوں کو میرے الہی مٹا دے |
| بری عادتیں بھی مِری چھوٹ جائیں |
| جلا بخش دے میرے دل کو الہی |
| دلِ عاصی میں تیرے جلوے سمائیں |
| رہے طاری دل پر ترا خوف یا رب |
| مِرے سارے اعمال اچھے ہو جائیں |
| بلا لے مجھے یا الہی تو حج پر |
| یہ آنکھیں بھی کعبہ ترا دیکھ آئیں |
| تو کر مجھ پہ انعام اپنے الہی |
| خدایا عطا کر تو اپنی عطائیں |
| مجھے موت ایمان پر آئے یا رب |
| میرا جسم کیڑےکبھی بھی نہ کھائیں |
| الہی دعائیں جو بھی مانگے عاجز |
| ہوں مقبول یا رب سبھی وہ دعائیں |
معلومات