.jpg)
| ایہہ تصویر عین اَصَل دی اے |
| ایہہ تحریر ہجر وَصَل دی اے |
| تیرا نقش محمدیؐ، خاکی نہیں |
| ایہہ تنویر نورِ اَزَل دی اے |
| اوہدی خلقت دی وی مثال نہیں |
| ایہہ تخلیق تے بے مِثَل دی اے |
| وَجْہُ اللہ، یَدُ اللہ، عین تے ساق |
| ایہہ تشبیہ کس دی شَکَل دی اے |
| ذکر حبیبؐ دا رب نے بلند کیتا |
| ایہہ درود تصدیق عمل دی اے |
| وَ لَسَوْفَ یُعْطِیْكَ رَبُّكَ فَتَرْضٰى |
| ایہہ توقیر خَتمِ رُسُل دی اے |
| نَحْنُ اَقْرَب دَسایا ہے رب نے |
| سوچ مُڑ کیوں حجاب فَصَل دی اے |
| جس وی تکیا شیشہ وحدت دا |
| صَوت اُس دی "حَق اَنَل" دی اے |
| روح اُس دا اَمر ، نشانی اے |
| ایہہ واسی علم مَحَل دی اے |
| اَمر رب دا کدی وی مِٹ دا نہیں |
| ایہہ ترمیم اَمر بَدَل دی اے |
| ساہ تے تیرا وی ھُو ھُو کردا |
| مار ساری دل دے بُخَل دی اے |
| مینوں مل گئی نسبت خواجہ دی |
| ایہہ نسبت رب دے فَضَل دی اے |
| مینوں خواجہ ماؔہی، مُراؔد دِسے |
| ایہہ درشن، جھات پُنَل دی اے |
| جیہنوں ویکھیاں رب دی یاد آوے |
| اوہ تصویر عین اَصَل دی اے |
معلومات