| خلق میں جو اول ہیں خیر الانام |
| خدا سے ہیں ان پر صلوٰۃ و سلام |
| ملی ان کو کوثر ملی سلسبیل |
| پلائیں وہ حق سے حقیقت کے جام |
| زمانہ ہے جن کا ازل سے ابد |
| صفِ انبیا کے ہیں وہ ہی امام |
| سدا قول ان کا ہے رب سے وحی |
| ملے گنج ان کو خدا سے مدام |
| ہیں نعمت کے قاسم وہ خیر الوریٰ |
| چلیں سکے جن کے جہانوں میں عام |
| نبی پہلے آئے کسی قوم میں |
| مگر پیرو ان کی جہاں ہیں تمام |
| نبی بعد ان کے نہیں اور کوئی |
| خدا کی جو مرضی وہ کرتا ہے کام |
| سلاطیں دہر میں سخی کے گدا |
| ہیں شاہوں سے بر تر انہی کے غلام |
| چڑھے ڈوبے پہلے نبوت کے چاند |
| مگر ہے نبوت حسیں کی دوام |
| اے محمود آقا پہ ہر دم درود |
| شہے دوسریٰ پر صلوٰۃ و سلام |
معلومات