| (2) |
| ہے تمنّا جو تری ، ہجر کی ماری تو نہیں |
| کس کو معلوم ہے یہ وصل کی باری تو نہیں |
| لکھ دیا کاتبِ تقدیر نے جو کب بدلے |
| ہے ازل سے ، نیا قانون یہ جاری تو نہیں |
| غور سے دیکھنا ، آئینے سے گر خوف آئے |
| نقش دل پر ہوئی تصویر ہماری تو نہیں |
| کیا کہا تم نے ، نہیں آئے نظر کچھ قابل |
| یوں نہیں ہو گئے اعمال یہ بھاری تو نہیں |
| کب کہا ہم نے کہ تقدیر بدل سکتے ہیں |
| لوحِ محفوظ پہ تحریر ہماری تو نہیں |
| بیٹھ کر کونے میں کیا خاک سمجھ آئے گی |
| تمُ نے دیکھی مری دنیا جو یہ ساری تو نہیں |
| طارق اس کو جو غلافوں میں رکھا، کیا حاصل |
| دیکھو انساں نے یہ تعلیم ، اتاری تو نہیں |
معلومات