| عدو سے لڑائی میں ہارا نہیں تھا |
| مجھے میرے ڈر نے جو مارا نہیں تھا |
| ۔۔۔۔۔۔۔۔۔۔۔۔۔۔۔۔۔۔۔۔۔۔ |
| وگرنہ یہ بستی نہ بہتی ندی میں |
| کِسی نے بھی اس کو پکارا نہیں تھا |
| ۔۔۔۔۔۔۔۔۔۔۔۔۔۔۔۔۔۔۔۔۔۔ |
| وہ تھا زندگی میں تو رونق تھی ہر سو |
| تھا سب کچھ ذرا بھی خسارہ نہیں تھا |
| ۔۔۔۔۔۔۔۔۔۔۔۔۔۔۔۔۔۔۔۔۔۔ |
| کہ پستی میں بھی دن گزارے ہیں ہم نے |
| بلندی پہ اپنا ستارا نہیں تھا |
| ۔۔۔۔۔۔۔۔۔۔۔۔۔۔۔۔۔۔۔۔۔۔ |
| جسے ہم نے سمجھا ہمیشہ ہمارا |
| ہمارا تھا جو وہ ہمارا نہیں تھا |
| ۔۔۔۔۔۔۔۔۔۔۔۔۔۔۔۔۔۔۔۔۔۔ |
| بتانے کی سچ مجھ میں ہمت نہیں تھی |
| اسے جھوٹ بالکل گوارہ نہیں تھا |
| ۔۔۔۔۔۔۔۔۔۔۔۔۔۔۔۔۔۔۔۔۔۔ |
| اُسے دیکھ کر ہی تو زندہ تھا اب تک |
| مری آنکھ کا کب وہ تارا نہیں تھا |
| ۔۔۔۔۔۔۔۔۔۔۔۔۔۔۔۔۔۔۔۔۔۔ |
| نگاہوں میں چہرہ نہیں تھا ہمارا |
| اشاروں میں کوئی اشارہ نہیں تھا |
| ۔۔۔۔۔۔۔۔۔۔۔۔۔۔۔۔۔۔۔۔۔۔ |
| اُسے چھوڑ کر میں چلا آیا مانی |
| سوا اس کے کوئی بھی چارہ نہیں تھا |
معلومات