| یادوں میں پڑا رہنا کچھ اچھا نہیں لگتا |
| شعلوں میں گھِرا رہنا کچھ اچھا نہیں لگتا |
| ہر شخص سے ڈرنا بھی، ہر بات پہ گھبرانا |
| سایوں میں چھپا رہنا کچھ اچھا نہیں لگتا |
| برسات کی ہوں راتیں خاموش فضا ہو جب |
| ایسے میں خفا رہنا کچھ اچھا نہیں لگتا |
| ویران سے صحرا میں، ہو جیسے شجر تنہا |
| اپنوں سے جدا رہنا، کچھ اچھا نہیں لگتا |
| چہرے پہ ہنسی رکھنا، آنکھوں میں نمی رکھنا |
| ہر غم کو چھپا رہنا کچھ اچھا نہیں لگتا |
| ہر سمت ترا چہرہ، ہر راہ ترا سایہ |
| یوں تجھ سے جدا رہنا کچھ اچھا نہیں لگتا |
معلومات