| نہ فقط اک گھڑی تمہارے ساتھ |
| بانٹتا زندگی تمہارے ساتھ |
| گر مرے اختیار میں ہوتا |
| لیتا میں سانس بھی تمہارے ساتھ |
| پھول چنتا رہا میں باتوں سے |
| بات ہوتی رہی تمہارے ساتھ |
| اپنی تکمیل کے لیے میں نے |
| ایک تصویر لی تمہارے ساتھ |
| یہ لڑائی رہی سدا تم سے |
| کیوں کھڑا ہے کوئی تمہارے ساتھ |
| ساتھ میرے کوئی نہیں پر خیر |
| کوئی ہے تو سہی تمہارے ساتھ |
| اب قمرؔ ساتھ ہے زمانے کے |
| جو رہا تھا کبھی تمہارے ساتھ |
| قمرآسیؔ |
معلومات