| یا نبی خاتم الانبیاء آپ ہیں |
| ابتدا آپ ہیں انتہا آپ ہیں |
| بزم کونین ہے آپ کے دم سے ہی |
| دونوں عالم میں جلوہ نما آپ ہیں |
| آپ کے دم سے روشن ہوئے کل جہاں |
| چاند تاروں کی واللہ ضیا آپ ہیں |
| آپ ملجا ؤ ماوا ہیں سب کے لیے |
| اہل ایماں کے حاجت روا آپ ہیں |
| رب کی تخلیق کا شاہکار آپ ہیں |
| پاک ہر عیب سے باخدا آپ ہیں |
| جان عیسی نگاہ کرم کیجئے |
| میرے بیمار دل کی شفا آپ ہیں |
| دے رہا ہے صدا دل مرا اے عتیق |
| روزِمحشر ترا آسرا آپ ہیں |
معلومات