دو جہاں کی بھلائی چاہتے ہیں |
آپ کی رہنمائی چاہتے ہیں |
ہم کہاں تختِ شاہی چاہتے ہیں |
تیرے در کی گدائی چاہتے ہیں |
کیجے اصحاب سی فقیری عطا |
کب بھلا بادشاہی چاہتے ہیں |
عاجزی صرف عاجزی کے طفیل |
شوکت و کبریائی چاہتے ہیں |
جن سے شرمائیں ساری روشنیاں |
ان شبوں کی سیاہی چاہتے ہیں |
غم اگر ہو تو صرف آپ کا غم |
سب غموں سے رہائی چاہتے ہیں |
جذبہِ عشق کل متاع ہے مری |
اور یہی انتہائی چاہتے ہیں |
نیتوں میں خلوص چاہیے ہے |
دولتِ بے بہائی چاہتے ہیں |
عاشقانِ نبی، حبیب خدا |
درد سے آشنائی چاہتے ہیں |
معلومات