| چھڈ دے بندیا چھڈ دے بندیا چھڈ دے گندے کاروبار |
| کر لے چنگے کم اے بندے رب دیوے گا تینوں تار |
| گنبدِ خضریٰ سامنے رکھ کے نظراں طیبہ وال لگا |
| موت توں پہلے ویکھ لویں گا پاک محمد دا دربار |
| نعتاں نبی دیاں پڑھ دا رواں میں یارب میری سن لے دعا |
| اس توں چنگا لگدا ناہیں مینوں کوئی وظیفہ یار |
| عشق نبی دا دل وچ رکھ کے بندیا اپنی عمر گزار |
| عاشقاں نوں بڑا چنگا لگدا یارو عشقِ نبی دا بخار |
| مولا عشق نبی دا بخشیں عتیق تے اودے یاراں نوں |
| ہر دم مست الست رواں میں لتھے کدے وی نہ عشق خمار |
معلومات