| خدا کے پیمبرؐ سدا گھل رہے تھے |
| وہؐ عقبہ میں تبلیغ کرتے جٹے تھے |
| حفاظت کی بیعت میں بازی لگائی |
| سعادت کو انصارؓ ہی پا چکے تھے |
| شروعات ہجرت کی خودؐ سے کرائی |
| ابو بکرؓ ہمراہی انؐ کے بنے تھے |
| اشارہ جگر پاروںؓ کو کافی تھا بس |
| "صحابہؓ وہ مکہ سے یثرب چلے تھے" |
| نہ بیوی نہ بچے، اکیلے ہی نکلے |
| ابو سلمہؓ پہلے مہاجر بنے تھے |
| دے کے مال پورا صہیبؓ ایسے نکلے |
| تجارت نفع کی بڑی کر گئے تھے |
| بنا دیں کا مرکز یہی شہر ناصؔر |
| مدینہ کی قسمت جگانے چلے تھے |
معلومات