| جو دانش کے دامن میں پرواز ہے |
| نبی مصطفیٰ کا یہ اعجاز ہے |
| ہے ادراک حاصل خرد کو ہوا |
| ہوائے مدینہ سے یہ ساز ہے |
| منور دہر ہے چَھٹی ظلمتیں |
| اُجالا جہانوں میں ممتاز ہے |
| عطائے نبی احساں کی انتہا |
| اسی سے رواں سانسِ آغاز ہے |
| کھلے راز بستہ جہانوں پہ ہیں |
| کیا دلربا کا یہ انداز ہے |
| رواں عشقِ دلبر میں ہیں دو جہاں |
| ثنائے نبی اِن میں آواز ہے |
| فضائے محبت جہاں اور ہے |
| اڑے عشق کا اس میں شہباز ہے |
| ہیں محمود رتبے نبی کے عُلیٰ |
| جہانوں کو جن پر بڑا ناز ہے |
معلومات