| سب کو تُو خدایا رکھنا اپنی پناہوں میں |
| گھیرے میں نہیں لینا، آفت یا عذابوں میں |
| عاصی ہیں، مگر تیرے محبوبؐ کی امت ہے |
| سرکارؐ کے صدقہ رکھنا ہم کو تُو نازوں میں |
| لرزہ دیا تھا جس نے، واں زلزلے ہیں برپا |
| ترکی کے مسلماں کو رکھنا تُو سہاروں میں |
| ماتم ہے کہیں، شہنائی کا ہے کہیں عالم |
| "ہونٹوں پہ ہنسی لیکن آنسو ہیں نگاہوں میں" |
| یارب دلِ مسلم کو ایماں سے منور کر |
| رغبت کو بسا دے، تُو ان دیں کے جیالوں میں |
| اوقات گزاری ان کاموں میں رہے اکثر |
| قرآں کی تلاوت، روزوں اور نمازوں میں |
| غمخوارِئِ ملت میں گھلنا ہے سدا ناصؔر |
| اس روح کو پھونکنا بھی ہوگا جوانوں میں |
معلومات