| لایا حضورِ حق میں عاجز یہ التجا |
| مولا حبیب تیرے پیارے ہیں مصطفیٰ |
| ہے امتِ نبی پر آلام کی فضا |
| سوئے تونگر اس کے افسر ہیں لا دوا |
| آئی ہے قہر بن کر جو یورشِ عدو |
| ظالم بنے ہیں سبطی قبطی ہیں جانکاہ |
| سستا ہوا لہو ہے امت رسول کا |
| بے بس ہیں مرد و زن سب اطفال ہیں تباہ |
| مملوک و مَلک سب ہیں بے حِس بنے ہوئے |
| بے آبرو مسلماں بھوکا ہے مر رہا |
| مولا کرم کریں.. . ہے جل رہا غزہ |
| مومن کے ہاتھ سے وہ اقصیٰ نکل گیا |
| ہے عاجزی سے قادر محمود کی ندا |
| مانگے بھلا یہ عاصی امت حبیب کا |
| آمیں کہیں اے مومن ظالم پکڑ میں ہو |
| ہوں مستجاب آہیں قاہر ہے کبریا |
معلومات