میں نے سوچا بھی نہ تھا ایسی سزا دے گا مجھے |
ایک دن اپنی نگاہوں سے گرا دے گا مجھے |
آج بھی جاگتا ہے رات کو یادوں میں مری |
جس نے بولا تھا کہ لمحوں میں بھلا دے گا مجھے |
جنگ میں لڑنے اگر جاؤں گا اس سے میں کبھی |
اپنی آنکھوں سے ہی وہ شخص ہرا دے گا مجھے |
اس کو پانے کے لئے سب سے بچھڑ جاؤں گا میں |
پوری دنیا سے وہ اک شخص لڑا دے گا مجھے |
بات اگرچہ نہ کرے گا وہ اسامہ سے مگر |
اپنے ہاتھوں کی بنی چائے پلا دے گا مجھے |
معلومات