. طـالبِ علـم

ایک ننھا سا فرشتہ درد کی گہرائی میں
کہہ رہا تھا اپنے رب سے عالمِ تنہائی میں

Abu Umama Shah Arariawy شاہؔی تخیـُلات

ایک طالب علم کو زمانۂ طالب علمی میں کس قدر دشواریوں کا سامنا کرنا پڑتا ہے ، سنگ دل ، آہن پوش مصیبتوں سے کس طرح نبرد آزما ہونا ہوتا ہے ، شب و روز کے دل سوز رنج و غم کے ساتھ زور آزمائی دوشِ ناتواں پر کس قدر بارِ گراں محسوس ہوتی ہے اس کا من و عن اور صحیح اندازہ وہی مردِ بامراد لگا سکتا ہے جو خود بھی اس خاردار وادی سے گذرا ہو
اس میں کوئی شک نہیں کہ یہ دور انسانی زندگی کا سب سے سنہرا دور ہے مگر اس میں بھی کوئی شک نہیں کہ پے در پے آنے والی مصیبت اس کی تمام تر رعنائی، طلائی اور سنہرے پن کو اپنے ساتھ کہیں دور لے جاتی ہے کہ جہاں تک ایک طالب علم کی رسائی ممکن نہیں ہوتی
ایک امید کی کرن جو اس کے دل کو جگمگاۓ رکھتی ہے وہ بھی اس وقت ماند پڑ جاتی ہے کہ جب گھر والوں کی جانب سے بھی کچھ فرمائش اور خواہشات کے صدقے طفیل مسقبل کے تمام تر راہ مسدود نظر آتے ہیں
اس وقت ایک ہی دربار ہوتا ہے جو اس کے حوصلوں کو ایڑ لگاتا ہے اور وہ دلِ رنجور درد و غم سے چور شکوہ و گلہ سے معمور کس ناز و انداز سے اس مقدس بارگاہ میں گریہ کناں ہوتا ہے کہ فرشتے بھی اس طرف متوجہ ہوئے بغیر نہیں رہ سکتے ، عرش الٰہی بھی جھوم اٹھتا ہے ،
(اپنی نظم کا اولین مصداق شاعر شاہیؔ )

. طالبِ علم